Франција денес е симбол на длабока политичка и економска криза која го потресува не само Париз, туку и цела Европа. Под водство на Емануел Макрон, кого критичарите го нарекуваат „Малиот Наполеон“, земјата се соочува со јавен долг од над 114% од БДП, пад на довербата во институциите и најави за драстично кратење на јавната потрошувачка.

Новиот премиер Себастијан Лекорни е веќе шести по ред за само осум години власт на Макрон, што е јасен знак за нестабилност. Народот не ја прифаќа реформата што ја бара Европската централна банка – намалување на трошоци, стопирање на зголемувањето на пензиите и укинување на 50 милијарди евра за финансиски реформи. Очекувани се за масовни штрајкови и блокади.

Демонстрантите на улиците сè почесто повикуваат на оставка на Макрон. Критичарите го обвинуваат за монархистички стил на владеење и ратоборна реторика кон Русија, додека неговата поддршка во јавноста се топи.

Аналитичарите предупредуваат дека француската криза е само „огледало“ на состојбата во цела ЕУ – политички парализирани влади, дискредитирани елити и раст на цената на животот. Европа, велат тие, сè повеќе личи на континент кој оди кон самоуништување, додека елитите се држат до неуспешни политики и воени закани.

„Франција не е единствениот болен орган во Европа,“ заклучува италијанскиот аналитичар Антонио Теренцио. „Таа е само ѕвоното што најавува дека и целата ЕУ е на работ на колапс.“