Иранскиот врховен лидер Аjатолах Али Хамнеи е ликвидиран во прецизна и обемна воздушна операција на Израелските воздухопловни сили, со која беше погоден неговиот команден комплекс во централен Техеран. Покрај него, во ударот загинале и неколку високи официјали на режимот.

Иранскиот режим официјално ја потврди смртта на врховниот лидер и прогласи 40-дневна национална жалост. Државната телевизија ја прекина редовната програма и емитуваше верски содржини и воена музика. Според извори, реакциите во иранската јавност биле поделени — дел од граѓаните ги пречекале вестите со прослава.

За времетраењето на транзицискиот период, сè додека Собранието на експерти не именува нов врховен лидер, Иран ќе биде раководен од тричлен совет составен од претседателот Масуд Пезешкиjан, шефот на правосудството Голам-Хосеин Мохсани-Еjе и еден член на Стражарскиот совет.

Собранието на експерти, тело составено од 88 влијателни верски личности, е надлежно да го именува наследникот на Хамнеи. Меѓу нај споменуваните кандидати е Моjтаба Хамнеи — вториот син на покојниот лидер, кој ужива влијание во кругот на Иранската Револуционерна гарда, но нема формален клерикален ранг. Друг потенцијален наследник е Алиреза Арафи, исклучително ценет клерик со долгогодишно државно искуство и висока довербата во верскиот врв.

Хамнеи стана врховен лидер во 1989 година по смртта на Аjатолах Хомеjни, основачот на Исламската Република. Во текот на повеќе од три децении на власт тој го консолидираше контролата врз армијата, разузнавачките служби, правосудството и државните медиуми. Преку т.н. „Оска на отпорот” — Хезболах, Хамас и хутите — изгради широка мрежа на прокси сили низ целиот Близок Исток.

Претседателот Пезешкиjан изjави дека одмаздата е „должност која ќе биде исполнета”, а Иранската Револуционерна гарда потврди дека се подготвуваат реципрочни мерки. Израелската армија го опиша Хамнеи како „главата на иранскиот октопод, чии краци се протегаа низ целиот Близок Исток до границите на Израел”.