Нов бран воени удари го опфати регионот на Персискиот Залив, при кои беа регистрирани гласни експлозии и сонични удари во Дубаи, Манама и повеќе земји од регионот. Иран изjaви дека нападнал американски воени бази во повеќе земји, а шокантен видеозапис покажа дрон кој директно удира во станбена зграда во Бахреин.

Претставниците на иранскиот воен врв соопштија дека нападнале 27 американски воени локации во текот на претходните 24 часа, вклучувajќи четири воени бази во различни земји на Залив. Ударите беа лансирани со ракети и беспилотни летала во повеќе бранови.

Во Бахреин, иранскиот напад резултираше со директен удар врз станбена зграда во главниот град Манама. Видеото со дронот кој удира во зградата широко се шири на социјалните мрежи, при што не е јасен бројот на жртви во моментот на пишување. Американската морнарица со база во Бахреин ги засили безбедносните мерки по нападите.

Во Обединетите Арапски Емирати, голем дел од Дубаи беше потресен со серија гласни удари. Цивилното население доби итни безбедносни известувања, а авиопатниот сообраќај беше привремено суспендиран. Катар, исто така, соопшти дека неутрализирал насочени проектили.

Регионалните земји кои инаку не се директно вмешани во конфликтот – особено државите на Залив – се наоѓаат во незавидна положба меѓу иранскиот одмаздзнички бран и американската воена присутност на нивна територија. Меѓународните организации повикаа на итно прекинување на огнот и дипломатски решенија.