Соединетите Американски Држави издадоа 30-дневна дозвола за купување на руска сурова нафта и нафтени деривати кои се наоѓаат на море, со цел да се ублажат растечките цени на горивото поради конфликтот со Иран. Мерката го проширува претходниот исклучок кој се применуваше само за Индија.

Секретарот за финансии Скот Бесент ја нарече одлуката “тесно насочена краткорочна мерка” која “се однесува само на нафтата веќе во транзит и нема да донесе значаен финансиски приход на руската влада.” Дозволата ги покрива пратките натоварени пред 12 март и е важечка до 11 април.

Одлуката следи ден откако цените на Брент нафтата ги надминаа 100 долари по барел – највисоко ниво во речиси четири години. Развиените земји, организирани во рамките на Меѓународната агенција за енергетика, паралелно договорија ослободување на 400 милиони барели од стратешките резерви.

Аналитичарите предупредуваат дека мерката е само привремено решение – на море се наоѓаат проценети 125 до 150 милиони барели руска нафта, но нивната распределеност го ограничува реалниот пазарен ефект. Бrent нафтата остана над 100 долари и по соопштувањето на исклучокот.