Иранската револуционерна гарда потврди дека Хормускиот теснец останува затворен се додека американско-израелските операции не престанат, изрекувајќи и остри предупредувања кон граѓаните кои евентуално би излегле на улица. “Ги следиме предавниците 24 часа на ден” – се вели во соопштението.

Новиот врховен водач Мотаба Хаменеи изјави дека “предноста од затворувањето на Хормускиот теснец треба да продолжи да се искористува” и сигнализира дека конфликтот може да се прошири на нови фронтови. Неговиот цврст тон покажа дека Иран верува дека може да издржи продолжени ракетни и дронски напади во регионот.

Цените на нафтата останаа над 100 долари по барел во текот на неделата, бидејќи нападите го нарушија снабдувањето со енергенти во Израел, Саудиска Арабија и ОАЕ. Теснецот, низ кој поминуваат приближно петтина од светскиот транзит на нафта и гас, е ефективно затворен од 28 февруари кога САД и Израел ги започнаа операциите.

Американскиот секретар за финансии потврди дека ескортата на танкери низ теснецот ќе започне “кога ќе биде воено изводливо”, можеби во рамките на меѓународна коалиција. Според достапните информации, теснецот сè уште не е минирани, а ирански и кинески бродови продолжуваат со транзит.