Земјотрес со јачина од 5,5 степени по Рихтер ја погоди централна Турција, со епицентар 46 километри северно од градот Токат, на длабочина од 6,4 километри. Потресот се случи во 3:35 часот наутро по локалното време.

Турската агенција за управување со вонредни состојби и катастрофи АФАД потврди дека потресот бил почувствуван во повеќе општини. Нема непосредни извештаи за оштетувања или жртви.