Иранските вооружени сили извршија напад врз базата „Принц Султан” во Саудиска Арабија, при што беа оштетени пет американски авиони-цистерни на воздухопловните сили, објави „Волстрит Џурнал”. Авионите претрпеа оштетување, но ниту еден не бил целосно уништен, а поправките се веќе во тек.

Во инцидентот не биле регистрирани жртви ниту повредени. Сепак, вкупниот број американски авиони за дополнување гориво изгубени или оштетени од почетокот на непријателствата на 28 февруари изнесува најмалку седум.

Ден претходно се случи уште еден сериозен инцидент кога два авиони KC-135 се судрија во воздух, при што едниот се урна во западниот дел на САД. Сите шест членови на посадата загинаа. Американскиот Централен команд соопшти дека причините за судирот сè уште се истражуваат.

Откако во последните две недели конфликтот помеѓу САД, Израел и Иран ескалираше низ целиот регион, бројот на загинати американски воени персонал достигна 13 лица. Израел го интензивираше бомбардирањето на позициите на Хезболах во Либан, додека Иран продолжи со ракетни и дронски напади врз американски и израелски воени инсталации.