Американскиот претседател Доналд Трамп побара од Кина, Јапонија, Јужна Кореја и други нации да испратат воени бродови во Ормускиот Теснец, еден од најважните поморски патишта за транспорт на нафта во светот.

Трамп нагласи дека овие земји се директно засегнати од нарушувањата на поморскиот сообраќај во овој критичен регион. „Веќе го уништивме сто проценти од воениот потенцијал на Иран, но тие сеуште лесно можат да испратат еден или два дрона, да постават мина или да лансираат ракета кратко домет некаде долж овој пловен пат”, изјави Трамп.

Американскиот претседател очекува Кина, Франција, Јапонија, Јужна Кореја, Британија и други засегнати нации да „испратат бродови во оваа област за Ормускиот Теснец да престане да биде закана од целосно обезглавена земја”.

Ормускиот Теснец се смета за еден од најважните поморски патишта во светот поради значителниот дел од глобалниот извоз на нафта од Персискиот Залив што минува низ него. Секое нарушување на пловидбата во овој регион може да предизвика сериозни последици за глобалните енергетски пазари.