Американскиот претседател Доналд Трамп потврди дека се водат разговори со Иран, но изрази скептицизам околу нивната ефикасност. „Разговараме со нив, но мислам дека не се подготвени”, изјави тој од борд на Air Force One.

Трамп отиде чекор подалеку и го доведе во прашање самиот договор. „Не сум сигурен дали воопшто сакам да склучам договор”, рече, укажувајќи на неизвесноста околу структурата на иранското раководство по неодамнешните загуби.

Кога беше прашан дали е подготвен формално да прогласи победа, Трамп одговори кратко: „Не, не сакам тоа да го направам. Нема причина за тоа.”

Ова е во остар контраст со неговата изјава од пред пет дена, кога тврдеше дека САД постигнале победа и дека исходот бил „практично завршен” во првиот час од операциите.