Една година по трагедијата во Кочани, прописите за добивање лиценци за угостителски објекти остануваат непроменети, покажува анализа на регулативата.

И покрај ветувањата за системски реформи по пожарот во „Пулс” кој одзеде 63 животи, институциите сеуште не ги заостриле условите за безбедност во ноќните клубови и забавните локали.

На меѓународната конференција во Скопје, претседателката Сиљановска-Давкова изјави дека „Кочани беше момент на национален шок, но и општествена катарза”. Министерот за внатрешни работи Тошковски истакна дека 3.000 полицајци биле распоредени за обезбедување на годишнината.

Официјалните лица нагласија дека институциите имале должност да реагираат брзо по трагедијата. Сепак, критичарите укажуваат дека зборовите не се претвориле во конкретни регулаторни промени кои би спречиле идна катастрофа.

Во рамките на конференцијата беше претставен Национален план за масовни несреќи, изработен со поддршка на меѓународни медицински експерти.