Американскиот претседател Доналд Трамп наседнал на лажно видео генерирано со вештачка интелигенција, на кое наводно се гледа носачот на авиони USS Abraham Lincoln во пламен. По гледањето на снимката, Трамп итно ги повикал своите генерали со прашањето: „Што се случува со Абрахам Линколн? Изгледа како да гори.”

Генералите му објасниле дека снимката е фалсификат, но инцидентот предизвика загриженост за содржините што претседателот ги гледа на социјалните мрежи и неговата подложност на дезинформации.

Покрај тоа, Трамп повторено тврдеше дека преговори со Иран се во тек. „Тие сакаат да направат договор”, изјави тој во недела вечер. Но кога беше директно прашан со кого конкретно се преговара и што би требало да содржи таквиот договор, претседателот не понуди суштински одговор.

Во друг момент, Трамп откри дека неодамна дознал за географската распределба на електричната енергија во Либан – информација клучна за разбирање на израелските воени операции таму. Тој изрази чудење дека луѓе воопшто живеат на места како Либан и Украина.

За време на телефонскиот разговор со британскиот премиер Кир Стармер, Трамп наводно му советувал да не мора да се консултира со советници пред да носи одлуки за воена поддршка.