Премиерот и лидер на ВМРО-ДПМНЕ Христијан Мицкоски, придружуван од партиска делегација, учествува на Конгресот на Европската народна партија во Брисел кој ќе трае три дена.

Делегацијата учествува на свеченото одбележување на 50-годишнината од основањето на ЕНП. На настанот присуствуваат истакнати европски лидери, вклучувајќи ја претседателката на Европската комисија Урсула фон дер Лајен и претседателката на Европскиот парламент Роберта Мецола.

Мицкоски ја пренесе пораката дека евроинтеграцијата на Македонија треба да се базира на заслуги и спроведени реформи, а не на билатерални прашања, нагласувајќи дека државата останува посветена на европскиот пат.

Премиерот потенцираше дека е потребен фер и предвидлив процес кој ќе овозможи напредок базиран на реални достигнувања, како и зајакнување на институциите и реформските капацитети. Посетата вклучува билатерални средби со повеќе претседатели и премиери од семејството на ЕНП.