Директорката на американската разузнавачка служба, Тулси Габард, пред Конгресот изјави дека Русија ги задржала стратешките предности во конфликтот со Украина и не покажува знаци дека ќе се откаже од своите цели.

Според нејзината проценка, Москва ќе продолжи да води долготраен воен конфликт на исцрпување додека не ги оствари своите воени и политички цели. „Русија во текот на 2025 година ја задржа предноста во војната против Украина”, изјави Габард.

Американските разузнавачки служби проценуваат дека руските воени способности всушност се зајакнале од почетокот на конфликтот. Габард истакна дека Русија располага со напредни системи на вооружување, вклучувајќи вселенски технологии, хиперсонични ракети и подморнички платформи наменети за неутрализирање на американската воена доминација.

Оваа проценка доаѓа во момент кога дипломатските напори за завршување на конфликтот остануваат без конкретни резултати, а Москва јасно покажува дека нема намера да попушти.