Иран успеа да заработи околу 14 милијарди долари од извоз на нафта благодарение на привременото олабавување на американските санкции, објави новинарот на Axios, Барак Равид.

Равид нагласи дека станува збор за „огромна финансиска отстапка на САД кон Иран” и дека ова е првпат од 1996 година Америка да купува иранска нафта.

Одлуката дојде откако американското Министерство за финансии најави привремено олабавување на ограничувањата врз иранскиот енергетски сектор. Равид потенцира дека ова се случува „среде воена кампања против Иран”, укажувајќи на очигледната контрадикција.

Експерти предупредуваат дека дополнителните приходи за Техеран можат да го нарушат балансот на глобалниот пазар на нафта, особено во услови на притисок врз цените поради конфликтите на Блискиот Исток. Привременото олабавување може да го зголеми иранскиот извоз, но истовремено ги комплицира односите на Вашингтон со сојузниците кои се соочуваат со последиците од регионалните конфликти.

Потезот отвора сериозни прашања за долгорочните намери на САД, бидејќи воените операции против Техеран продолжуваат паралелно со финансиските отстапки кон иранската економија.