ВМРО-ДПМНЕ излезе со остри критики кон СДСМ и нејзиниот лидер Венко Филипче, обвинувајќи ги дека водат антидржавна политика и работат спротивно на државните интереси.

Од владејачката партија тврдат дека СДСМ доживеала сериозен пад на поддршка, сведена на околу 130.000 гласови, како резултат на она што го нарекуваат „сервилна и вазалска политика”.

„Вазалскиот однос и клечењето пред одредени соседи и послушноста кон сите нивни барања на штета на Македонија е антидржавна политика запишана во статутот на СДСМ. Филипче и Заев ја промовираат преку ПР стратегија контролирана од Башановиќ”, соопштија од ВМРО-ДПМНЕ.

Партијата го карактеризира СДСМ како „прокси партија” која работи против државните интереси и тврди дека опозицијата не извлекла поука од изборните порази.