ВМРО-ДПМНЕ обвини дека претходната влада на Заев и Ахмети му продале државни објекти на бизнисменот Миодраг Давидовиќ-Дака за четири пати пониска цена од проценетата вредност.

Според партијата, на „прорускиот бизнисмен кој е на црната листа на САД”, на местото на поранешниот гигант „ШИК Јелак” во Тетово, му било договорено да гради две илјади станбени единици.

Наведени се конкретни примери: имот на Фондот за здравство од 198 квадратни метри проценет на 122.000 евра бил продаден за 34.000 евра, друг имот од 2.359 квадратни метри вреден 1,5 милиони евра бил продаден за 400.000 евра, а имот на Министерството за финансии од 5.021 квадратен метар вреден 3 милиони евра бил продаден за околу 730.000 евра.

ВМРО-ДПМНЕ тврди дека го блокирале овој проект за да ја спречат „бетонската џунгла” во Тетово.