Во близина на селото Жидилово, повторно е забележано силно заматување на водата во Крива Река, што предизвикува сериозна загриженост кај жителите на регионот. На видео е покажана речиси идентична слика како и при претходната хаварија, кога техничка вода се излеа од рудникот „Тораница“, управуван од компанијата Булмак.

Крива Река, која поминува низ градот Крива Паланка, се користи за наводнување на големи земјоделски површини, што ја прави ситуацијата особено ризична за животната средина и локалното население.

Неофицијално,infomax информира за  повторното загадување е предизвикано од нов дефект во рудникот, додека надлежните институции сè уште не излегоа со официјални информации.

Градоначалникот на Крива Паланка, Сашко Митовски, и минатиот пат лично зема мостри од реката, при што лабораториските анализи покажаа дека водата не е безбедна за употреба. Тој тогаш поднесе и кривична пријава против одговорните лица во рудникот, но истата – според информациите – сè уште не е процесуирана.

Дополнителна контроверзија предизвика фактот што директорот на „Булмак“, Тони Тоневски, во меѓувреме беше кандидатиран за градоначалник на Пробиштип, иако компанијата се соочува со сериозни обвинувања за загадување на животната средина.

Локалните жители бараат итна реакција од институциите и постојан мониторинг на состојбата со водата во реката.

Превземено од informax.