Петер Маѓар победи на изборите во неделата, а до вторникот веќе бара оставка од претседателот и го игнорира Орбан. Лидерот на партијата Тиса не губи време – и тоа буквално.

По средбата со претседателот Тамаш Шуљок во палатата Шандор за формирање влада, Маѓар излета бесен и објави на Фејсбук: „Тамаш Шуљок мора веднаш да ја напушти функцијата откако ќе се формира новата влада.” Го нарече недостоен да ја претставува националното единство и неспособен да биде чувар на уставниот поредок. Средба за формирање влада што заврши со барање за оставка – тоа е мађарска политика во 2026.

А моментот со Орбан? Маѓар го забележа стариот премиер на соседниот балкон додека читаше весници, му замавна – а Орбан продолжи да шета како да не постои. Целата земја се смее, но пораката е јасна: Орбан не признава пораз.

На радио Кошут, пак, интервјуто се претвори во хаос. Маѓар најави укинување на „пропагандните медиуми,” нов медиумски закон, истраги за имотот на политичарите 20 години наназад и намалување на ДДВ на енергенси. Водителот го прекинуваше, тој го прекинуваше водителот – класичен прв ден после победата.

Маѓар сака најниски цени на енергија, развој на болници и „нова Унгарија.” Со Зеленски уште не разговарал – вели дека формално уште не е премиер. Дали ќе биде поинаков од Орбан, или ќе заврши како уште еден балкански – то ест, централноевропски – лидер кој ветува промени а носи повеќе од истото? Брзо ќе видиме.