Словенечката полиција потврди дека безживотното тело пронајдено во петокот во Љубљана припаѓа на 38-годишен државјанин на Македонија.
Информацијата ја потврди портпаролката на Полициската управа Љубљана, Шпела Шкопорц.

Неофицијално, младиот Македонец бил претепан до смрт, но точната причина за смртта сè уште не е утврдена.„Полициските службеници извршија увид на местото на настанот, а наредена е судска обдукција. Интензивната кривична истрага е во тек, и за сите наоди ќе биде известено надлежното државно обвинителство,“ изјави Шкопорц.

Случајот предизвика големо внимание во словенечката јавност, а властите најавија дека ќе ги истражат сите околности поврзани со смртта на македонскиот државјанин.