Министерот за надворешни работи Тимчо Муцунски учествуваше на петтото издание на Дипломатскиот форум во Анталија, на панелот „Жнеење мир на Балканот: дијалог, бизнис и поврзаност”. Форумот се одржува од 17 до 19 април под мотото „Mapирање на утрешнината: управување со неизвесностите”.

Главната порака на Муцунски: Балканот има потреба од дијалог и економска поврзаност за траен мир. Убаво звучи на дипломатски форум во Турција. Но колку од тие зборови ќе се претворат во конкретни дела кога Муцунски ќе се врати дома – тоа е прашањето што вистински е важно.

Во моментот кога Словенија добива влада со НАТО-скептик, а Бугарија оди на осми избори за пет години, зборувањето за „мир и поврзаност” на Балканот е благо кажано – оптимистично.