Додека дипломатите зборуваат за мир, Техеран извлекува ракети на улица. Иран јавно ги покажа ракетите „Хорамшахр” – едни од најтешките балистички системи во арсеналот – и тоа среде град, пред камери, за цел свет да види.

Пораката е кристално јасна: мирот е опција, но не и единствена.

Преговорите паднаа

Разговорите меѓу Вашингтон и Техеран се целосно блокирани. Потпретседателот Џеј Ди Венс го откажа патувањето во Пакистан – знак дека кризата го менува приоритетот на целата администрација. Трамп даде „нов краток рок од три до пет дена” за Иран да ги средни внатрешните поделби и да се врати на преговори, според Аксиос.

Иран одбива

Техеран категорично одбива да преговара „под закани” и бара укинување на американската блокада како предуслов. Значи, едната страна дава ултиматуми, другата покажува ракети. Дипломатија од 21 век.

Прашањето не е дали Иран може да ги употреби „Хорамшахр” – туку дали Трамп навистина мисли дека рокови од пет дена функционираат против земја која со децении живее под санкции. Историјата вели дека не.