Шесто одделение, ученичка од Ѓорче Петров. Тројца постари девојки – тепање, понижување, горење со цигари. Сè снимено со мобилен. Инцидентот се случил среде ден, во парк во близина на старата скулптура на волк – симбол на општината – само метри од полициската станица. Следниот ден – видеото беше онлајн.

МВР потврди дека пријавата е примена, обавени се официјални разговори со родители, прибрани се материјални докази. Координација со Основното јавно обвинителство е во тек. Тоа е институционален одговор. Но прашањето е поголемо: ова не е прв случај. Само во Скопје, слични инциденти имало неколку само во последниве месеци.

Меѓународните анализи покажуваат дека „околу десет проценти деца на возраст 11-15 години искусуваат врсничко насилство повеќе пати месечно.” Омбудсманот предупредил дека врсничкото насилство е „најприсутно во основните училишта”, дека пријавите растат и дека реалната состојба е понесериозна затоа што дигиталното насилство ретко се пријавува.

Министерството за дигитална трансформација не размислува за забрана на социјалните мрежи за деца под 15 – тоа го сметаат за радикално. Решението, велат, е едукација и дигитална писменост. Кога следниот пат некое дете биде горено со цигара – ќе испратат уште еден брошур.