Era që dje përfshiu vendin la rrënoja anembanë Maqedonisë - ndërsa në Kumanovë mori diçka me simbolikë më të madhe se një çati: flamurin shtetëror nga sheshi i qytetit.

Era e fortë e rrëzoi flamurin nga shtylla në sheshin e Kumanovës. Nga Komuna e Kumanovës sot njoftuan se flamuri u gjet dhe u mor nga policia e Kumanovës, por se është i dëmtuar.

„Flamuri është i dëmtuar. E njoftuam Shërbimin për punë të përgjithshme dhe të përbashkëta pranë Qeverisë për situatën. Prej andej na njoftuan se do të sigurojnë një flamur të ri”, deklaroi sekretarja e Komunës së Kumanovës, Emilija Sladiris-Janevska. Vendosja e flamurit të ri shtetëror pritet pasi të dorëzohet nga shërbimi përkatës qeveritar.

Flamuri, kuptohet, do të zëvendësohet - ky është problemi më i vogël. Më keq është ajo që era e zbuloi kudo: pemë të rrëzuara, çati të shkulura, rrugë të bllokuara. Dëme ka anembanë Maqedonisë, dhe Qeveria njoftoi se do t'i rimbursojë. Kur flamuri në shesh nuk i qëndron erës, çfarë mbetet për çatitë e vjetra dhe pemët për të cilat prej vitesh nuk kujdeset askush?