Maqedonia e Veriut tejkalon përfaqësimin mesatar të grave në parlamentet kombëtare të shteteve anëtare të BE-së, sipas të dhënave të fundit të Eurostat. Në vitin 2025, gratë zinin 37,5 për qind të vendeve parlamentare në Maqedoni, krahasuar me mesataren e BE-së prej 33,6 për qind.

Krahasuar me vitin 2015, përfaqësimi i grave në parlamentet e BE-së u rrit me 5,4 pikë përqindjeje, ndërsa Maqedonia regjistroi rritje prej 3,4 pikësh.

Vendet me përfaqësimin më të lartë të grave janë Finlanda (46 për qind), Suedia (44,8 për qind) dhe Danimarka (44,7 për qind). Fundit në listë janë Qiproja (14,3 për qind), Hungaria (15,6 për qind) dhe Rumania (22 për qind). Letonia regjistroi rritjen më të madhe me 19 pikë përqindjeje, ndërsa Gjermania është i vetmi vend ku përfaqësimi ra me 3,5 pikë.

Pak më pak optimistike është situata në nivel qeverie: gratë përbëjnë vetëm 12,5 për qind të qeverisë maqedonase, por kjo është rritje me 2,5 pikë përqindjeje krahasuar me vitin 2015. Finlanda kryeson edhe këtu me 60 për qind gra në qeveri, ndërsa Hungaria nuk ka asnjë grua ministre.