Korpusi i Tretë i Armatës ukrainase komunikoi se në kuadër të operacionit „Vivaldi“ për herë të parë kreu desant të robotëve tokësorë në prapavijën e forcave ruse. „Korpusi i Tretë i Armatës i pari në botë kreu manovër anashkalimi, zbriti robotë tokësorë pas linjave të armikut dhe i 'verboi' dronët rusë“, qëndron në komunikatën e publikuar në Telegram, të përcjellë nga Ukrinform.

Sipas korpusit, dronë të rëndë bombardues lëshuan sistemet robotike tokësore të destinuara për sulme thellë në territorin e kundërshtarit, ndërsa dronët rusë mbi zonën pengoheshin nga mbrojtja antiaeriane dhe sistemet për luftim elektronik. Qëllimi, thonë ata, është që infanteria të eksponohet më pak ndaj rrezikut. Në përkthim: para se njeriu të futet në një kanal, së pari futet një makinë.

Komandanti i korpusit, gjenerali brigadier Andrij Bileckij, më herët të njëjtën ditë komunikoi se në operacionin „Vivaldi“ forcat ukrainase pushtuan vendbanimet Shandrigolovo dhe Derilovo dhe vendosën kontroll të plotë mbi Drobishevon në Regjionin e Donjeckut. Fshatra të pushtuara dhe premierë botërore në të njëjtën komunikatë - ditë e mirë për shërbimin e PR-së të korpusit. Sa nga manovra është inovacion ushtarak, dhe sa retorikë ushtarake, do t'e tregojë fronti, dhe jo Telegrami.

Ajo që nuk është retorikë është trendi: robotë në tokë, dronë në ajër, luftim elektronik që verbon edhe njërët edhe tjerët. Ballkani luftën e mban mend me infanteri, artileri dhe kanale. A trajnohet ndonjë armatë në rajon fare për një luftë në të cilën i pari që kalon linjën nuk ka puls?