Министерството за здравство објави јавна набавка за 100 нови амбулантни возила опремени со современа медицинска опрема. Вредноста на набавката изнесува 461,250,000 денари, а возилата ќе бидат распоредени низ јавните здравствени установи во целата земја, со посебен акцент на руралните подрачја.

Министерот за здравство Азир Алиу го соопшти проектот со порака дека набавката „значително го унапредува капацитетот за итна медицинска помош”. Тендерскиот рок е отворен за заинтересирани компании. За сега, 100 нови возила – после долги години на притужби дека итната служба работи со застарена флота.

Дали 100 возила се доволно за земја каде итната служба понекогаш стига по 40 минути до рурална општина – ќе покажат следните години. Но за почеток, барем тендерот е отворен.