Apple повторно ја возбуди технолошката сцена со iPhone Pocket – футрола изработена во соработка со Issey Miyake, со цена од 230 долари. Интернетот е поделен: моден хит или непотребен луксуз?

Компанијата Apple на 11 ноември го претстави својот најнов додаток — iPhone Pocket, футрола инспирирана од модната линија Pleats Please на Issey Miyake.
Футролата е направена со 3D knitting технологија, комбинација на најлон и полиестер, и има еластична структура што одговара на било кој модел на iPhone. Може да се носи како чанта преку рамо, прикачена на друга торба или едноставно во рака — дизајнот е минималистички, но со моден шмек.

Цената, сепак, ги изненади многумина:

• Кратката верзија чини 150 долари,

• Долгата верзија –  230 долари.

Новиот iPhone Pocket ќе биде достапен од 14 ноември 2025 во избрани Apple продавници во: САД, Кина, Франција, Италија, Јапонија, Сингапур, Јужна Кореја и Велика Британија.

Со iPhone Pocket, Apple уште еднаш ја потврди својата моќ да создаде тренд — дури и кога станува збор за футрола.
Прашањето е: дали ова е иновативен моден чекор или луксузен додаток без вистинска вредност? Времето и реакцијата на пазарот ќе го покажат тоа.