Бобан Рајовиќ на 12 декември во 20 часот настапува во Македонската филхармонија. По неколку години се враќа во Македонија, овој пат во концертна сала, а покрај најголемите хитови, најавата посебно ја издвојува песната „Ружа од југот“.

Рајовиќ е роден во Копенхаген во 1971 година, во семејство што се иселило од Беране во Црна Гора. Пеел по југословенските кафулиња низ Скандинавија и шест години возел такси во Копенхаген, сè додека во 2000 година не дојде во Белград да го сними првиот албум.

Пресвртот дојде со „Усне боје вина“, песната на Марина Туцаковиќ што му ја смени кариерата, а следуваа „Провокација“ и албумите „Пукло срце“ и „Косачи“. Последниот студиски албум „Авион“ излезе во 2024 година. Четири дена по скопскиот концерт, на 16 декември, Рајовиќ пее и во Сава Центар во Белград.

Билетите чинат од 1.300 до 1.900 денари и се продаваат преку mktickets.mk.