Израелската правна организација Шурат ХаДин поднесе тужба против шпанскиот премиер Педро Санчез пред Меѓународниот кривичен суд, тврдејќи дека помага во воени злосторства преку извоз на компоненти за Иран.

Тужбата, базирана на членот 15 од Римскиот статут, тврди дека Шпанија одобрила извоз на производи со двојна намена во вредност од околу 1,3 милиони евра – компоненти кои, според организацијата, можат да функционираат во детонатори и експлозивни направи. „Ова не се невини индустриски производи, туку критични компоненти кои овозможуваат експлозивни направи,” стои во тужбата.

Дипломатска војна Мадрид-Тел Авив

Односите се во слободен пад од 2023 година. По нападот на Хамас на 7 октомври, шпанскиот социјалистички премиер остро ја критикуваше израелската кампања во Газа, а потоа ја призна палестинската државност. Санчез исто така се спротивстави на американско-израелските воени операции против Иран, што предизвика жесток одговор од Тел Авив.

Нетанјаху и забрани на Шпанија да учествува во американската иницијатива за постконфликтна стабилизација на Газа, обвинувајќи ја дека води дипломатска кампања против Израел. Двете земји ги повлекоа своите амбасадори.

Правни експерти се скептични дека тужбата ќе стигне далеку – Шурат ХаДин е позната по тужби кои повеќе служат како дипломатски притисок отколку како правни постапки. Но самиот факт дека една западноевропска влада е тужена за „помагање воени злосторства” затоа што критикува Израел – тоа е нова реалност. Дали критика на воена операција е воен злосторство? Прашање за нашето време.