Ако имаш кадрава коса и постојано се бориш со накострешеност, можеби проблемот не е во косата – туку во водата. Фризерот Алберто Сердан вели дека една навика ја уништува кадравата коса повеќе од сè друго: миење со премногу топла вода. И повеќето од нас ја прават секое утро без да размислат.

Причината е во природата на кадравата коса. Таа е посуво по природа, бидејќи маснотиите од скалпот тешко стигнуваат до целата должина на влакното. Топлата вода ги отстранува заштитните слоеви и премногу ја отвора кутикулата, што води кон дехидрација, накострешеност и губење на дефиницијата на кадрите. Наместо да ја исчисти косата, топлата вода ѝ ја одзема токму влагата што ѝ е најпотребна.

Решението е едноставно и бесплатно: млака вода при миење, а ако може, завршно плакнење со ладна. Ладното плакнење ја затвора кутикулата и ја задржува влагата и сјајот – не мора да биде ледено, само доволно свежо за да ја „запечати” косата. Освен тоа, Сердан советува да се масира само скалпот, косата да се разчешлува додека е влажна (никогаш сува), и да се бираат хидратантни состојки како алое вера, ши путер или арганово масло.

Индустријата за убавина сака да ти продаде десет производи за проблем што често се решава со една навика. Пред да купиш уште еден скап серум против накострешеност, обиди се прво со поладна вода – најевтината промена што ја имаш на дофат. Понекогаш косата не бара повеќе производи, само помалку топлина.