Американска конгресменка украла 5 милиони долари од фондот за помош при катастрофи на ФЕМА, купувала дијамантски прстени од 109.000 долари и пренасочувала пари од договори за помош кон сопствената кампања. Сега, Шајла Шерфилус-Макормик поднесе оставка – минути пред Комитетот за етика да заседава и да препорача санкции за 25 прекршувања на правилата.

Демократката, избрана во 2022, ја нарече истрагата „лов на вештерки” и напиша на социјалните мрежи дека одбива да „учествува во политички игри.” Познат сценарио – кога доказите се неоспориви, секогаш е виновен системот, никогаш поединецот.

Обвинителството тврди дека Шерфилус-Макормик и уште едно лице ги пренасочиле парите од ФЕМА кон соработници, кои потоа ги враќале како наводни кампањски донации. Класична перална операција маскирана како демократски процес. Судењето е закажано за февруари 2027, а максималната казна е 53 години затвор.

Таа не е единствена. Уште двајца конгресмени – демократот Ерик Свалвел и републиканецот Тони Гонзалес – поднесоа оставки истата недела поради слични обвиненија. Последниот исклучен конгресмен беше Џорџ Сантос во 2023, прв ваков случај за 20 години.

Кога три конгресмени паѓаат во иста недела, прашањето не е „кој е виновен” – туку колку уште чекаат да бидат откриени. Дали кај нас ваквите приказни звучат познато? Функционери кои ги мешаат јавните пари со приватните интереси не се американски патент.