Петер Маѓар го урна Орбан ветувајќи враќање во ЕУ и НАТО. Но кога дојде до конкретика, сликата стана значително покомплицирана. Рускиот гас останува, Украина не влегува во ЕУ, а нуклеарката „Пакш II” можеби ќе биде раскината.

„Не можеме да ја смениме географијата – Русија ќе остане соседна земја”, изјави Маѓар, потврдувајќи дека набавката на руски енергенти продолжува и покрај прекинот на нафтоводот „Дружба”. Новата влада ќе се обиде да ги диверзифицира изворите, но без откажување од руските – реалполитика во најчиста форма.

Пакш II под лупа

Маѓар најави ревизија на сите договори со Русија, вклучувајќи го и проектот за нуклеарната централа „Пакш II”, за која смета дека е „прескапо вреднувана”. Спремен е да раскине договори ако е потребно. Нуклеарен проект вреден милијарди, финансиран од руски заем – неговото раскинување би било сеизмичко.

Украина: ниту членство, ниту блокада

За Украина, Маѓар имаше јасна порака: земја во војна не може да пристапи во ЕУ. Најави референдум за тоа прашање, но смета дека членството е „маловеројатно во наредната деценија”. Кредитната линија од 90 милијарди евра за Киев нема да ја блокира, но Будимпешта нема да учествува во алокацијата – немаат пари за тоа, вели.

Новата влада нема да се меша во внатрешните работи на други држави и очекува ист третман. Дали ова е нов почеток или само понов пакет на истата реалполитика со поубав амбалаж? Европа ќе пресуди – за четири месеци, како што предлага Москва.