Обилните дождови кои го зафатија дебарскиот регион од вчера попладне предизвикаа серија помали, но чести одрони од камен и земја на повеќе патни правци. Критичните точки се на патот Дебар-Маврово, каде екипите интервенираат на терен.

Одроните не се масивни, но се доволно чести за да го направат возењето непредвидливо. Камења и земја на коловозот на планински пат – рецепт за несреќа, особено ноќе и во услови на намалена видливост.

Апелот до возачите е јасен: внимателно возење, намалена брзина и следење на информациите. Но поважното прашање е зошто секоја посериозна дождовна епизода го претвора овој патен правец во ризик. Одроните на Дебар-Маврово не се новост – се повторуваат секоја сезона, а трајно решение очигледно не е приоритет.