Amazon ја додаде функцијата „Clips” во апликацијата Prime Video – вертикален фид со кратки видеа кои изгледаат и се листаат како на TikTok. Започнува во САД на iOS, Android и Fire таблети, со пошироко лансирање во лето. Идејата е едноставна: 30 секунди од некоја серија, потоа уште 30, се додека не кликнеш „погледни цело”.

„Clips дава целосно нов начин на прелистување со кратки, персонализирани снимки прилагодени на интересите на корисникот”, вели Брајан Грифин, директор за глобално корисничко искуство во Prime Video. Превод: алгоритамот сега работи и за нив, и токму онаа зависност што Netflix долго време ја гради преку препораки, сега ќе има свој вертикален фид.

Amazon не е иноватор тука. Тестираше веќе во НБА сезоната – кратки делови што се листаат како кратки видеа. Netflix, Peacock, Tubi, Disney – сите имаат свои варијанти. Netflix дури носи и истото име: „Clips”. Кога четири големи стримеи во една година ја додаваат истата функција, тоа повеќе не е тренд – тоа е страв.

Стрим платформите гледаат како TikTok и YouTube Shorts ги тркаат во часовите гледано. Млад корисник кој троши три часа дневно на скрол на кратки видеа едноставно нема време за серија со 8 епизоди. Решението што го најдоа: ставете кратки видеа во истата апликација, претворете ги во „трејлери” и надевајте се дека некој ќе остане да види повеќе.

Прашањето е дали тоа функционира. Кога ќе одиш на Prime Video за да гледаш филм, дали навистина сакаш прво да листаш 40 кратки клипови? Или Amazon на крајот ќе го создаде истиот проблем што го решава Netflix – „да најдам што да гледам” – но во побрз и поагресивен формат. Не пристапот, туку додавањето на уште една површина за реклами и алгоритмен push.