Доналд Трамп (79) заспа среде состанок во Белата куќа. Очните капаци му се затворија додека зборуваше за договор со фармацевтската компанија Реџенерон. Се разбуди. Повторно заспа. Камерите сè снимија.

Иронијата е поубава од било кој коментар: истиот човек кој со години го нарекуваше Џо Бајден „Sleepy Joe” сега самиот дрема на работно место. Минатиот месец заспа додека министерот за одбрана Пит Хегсет зборуваше за конфликтот со Иран. Пред неколку дена – повторно, на прес-конференција за безбедносен проект во Мемфис.

Белата куќа го брани: „Претседателот слуша внимателно” или „само ги одмара очите”. Самиот Трамп тврди дека кратко затворање на очите е „многу релаксирачко” и „му помага да се концентрира”.

На 79 години, човекот кој одлучува за воени удари во Ормуз, за нуклеарни закани во Европа и за судбината на милиони луѓе – не може да остане буден на состанок. Дали ова е само смешна анегдота, или прашање на кое некој треба сериозно да одговори?