Осум лица се тепале со предмети во двор во Баница, четири завршиле со тешки телесни повреди

Вечерта на државниот празник 11 Октомври, во 22:30 часот, во дворот на една куќа во струмичкото село Баница започнала тепачка по која четири лица завршиле со тешки повреди. Учествувале осум лица, сите од селото, поделени во две групи.

Од едната страна биле Р.М. и К.М., од другата П.С., М.С., Т.С. и тројца со иницијали С.С. Според СВР Струмица, не се тепале само со раце – користеле различни предмети и си нанеле повреди по главата и телото. Повредените биле пренесени во Медицинскиот центар во Струмица, каде што кај Р.М., К.М., Т.С. и М.С. биле констатирани тешки телесни повреди.

Полицијата ги пронашла и ги одзела предметите со кои се удирале. За настанот е известен јавен обвинител, а се преземаат мерки за целосно расчистување на случајот. Причината за пресметката засега не е соопштена.

Соселани, во двор, со предмети што полицијата потоа морала да ги одзема. Што и да било зад тоа, некој одлучил дека спорот ќе се решава со удари по глава. Сега тоа ќе го решава обвинителството.