„Не сум педофил. Не сум силувач. Зошто го читате тоа ѓубре од болна личност?” – вака реагирал американскиот претседател Доналд Трамп во интервјуто за CBS дадено откако 31-годишниот Кол Томас Ален отворил оган на кореспондентската вечера на Белата куќа. Манифестот на напаѓачот содржел тешки обвинувања против Трамп – и претседателот немал намера да ги остави без одговор.

„Живееме во луд свет”, додал Трамп. Ни збор загриженост. Ни збор шок. „Не се грижев. Го разбирам животот.” Тоа е или исклучителна смиреност или перформанс за јавноста – тешко е да се знае каде е линијата кај оваа личност. Агентот на тајната служба кој бил погоден во заштитна опрема – „тие момци одработија добар посол”, рекол Трамп.

Она кое го прави случајот позначаен е позадината на напаѓачот. Ален, инженер и учител по математика дипломиран на Caltech, бил жесток поддржувач на Украина. Пред нападот испратил манифест со список на цели – функционерите на Трамп „од врв до дно”. Неговото незадоволство се засилило по намалувањето на американската поддршка за Киев. Истрагата ги испитува неговите врски со украински собирачи на средства.

Трамп изјавил дека сака повторување на кореспондентската вечера – со поголем безбедносен периметар. Дека претседател кој буквално бил евакуиран под оган сака да ја одржи традицијата – тоа е или храброст или нешто друго. Едно е сигурно: ова е втор напад или обид за напад врз Трамп поврзан со поддржувач на Украина. Нешто во политичкиот воздух на Американците не е во ред.