Трамп вели дека Иран сака договор. Ова го изјави додека неговата морнарица блокира ирански пристаништа, а нафтата е над 100 долари. Песков од Москва одговори дека „сè уште не е јасно што ќе повлече блокадата”.

Повеќе од 15 американски бродови се вклучени во операцијата. Трамп се закани: „Ќе ги елиминираме сите ирански бродови што ќе се приближат.” Иран возврати: „Доколку ги нападнат нашите пристаништа, наша цел ќе бидат сите пристаништа во Персискиот Залив.”

Нуклеарните преговори во Исламабад пропаднаа – САД бараше 20-годишен мораториум на збогатување ураниум, Иран понуди неколку години. Јазот е огромен, а Трамп вели дека Иран „никогаш нема да има нуклеарно оружје” – декларација која звучи одлучно, но нема механизам за спроведување освен сила.

Кога двата блока се заканувааат со уништување на пристаништата еден на друг, зборот „договор” звучи повеќе како желба отколку реалност. А последиците? Тие веќе се тука – на секоја бензинска пумпа од Тексас до Тетово.