Трамп тврди дека неговата администрација пронашла „многу интересни документи” за НЛО и дека првите објави ќе започнат „многу, многу брзо”. Зборуваше пред приврзаници на настан организиран од конзервативната група Turning Point USA – значи, публика која и онака верува во сè што ќе каже.

„Морам да кажам дека пронајдовме многу интересни документи и првите објавувања ќе започнат многу брзо за да можете да видите дали тој феномен е вистинит”, изјави Трамп. Во февруари им наложи на американските агенции да почнат со објавување на владините досиеја за НЛО и можен вонземски живот, наведувајќи „силен јавен интерес”.

Но еве го контекстот: извештајот на Пентагон од 2024 тврди дека истрагите од крајот на Втората светска војна не пронашле докази за вонземска технологија, а поголемиот дел од набљудувањата биле погрешно идентификувани обични објекти. Самиот Трамп призна дека не видел докази за вонземјани и дека сè уште не е сигурен дали постојат. Дали тогаш ветувањето за „интересни документи” е вистинска транспарентност – или уште една претстава за публиката?