Сезоната на мирисање изгорено ѓубре во Скопје официјално почна. Вардариште горело попладнево, а вечерта и депонијата кај Арачиново. Две депонии на територија на Скопје, во ист ден, како по распоред.

Секоја година – истата приказна. Пролет дојде, температурите растат, депониите се палат. Никој не знае кој пали, никој не е одговорен, а граѓаните на Скопје дишат чад. Април 2026 не е поинаков од април 2025, 2024 или 2023.

Дали некој навистина очекуваше друго? Депониите се тука, контролата не е, а скопјани повторно ги затвараат прозорците и се прашуваат зошто плаќаат данок.