Според Pro News од Грција, руски ловец од петтата генерација Су-57 наводно соборил шведски AWACS извидувачки авион SAAB 340 во служба на украинските воздушни сили. Местото – источна Украина. Оружјето – ракета R-37M со дофат над 300 километри.

Ако се потврди вестите, ова е првото познато соборување од Су-57 на стратегиски толку важна цел – летечки радарски систем кој ѝ е „очите на небото” на украинската војска. Не е тоа обичен борбен авион. AWACS е она што ги координира операциите, ги следи руските летала и ракетите во реално време, и со неговите податоци ловци, противавионски системи и снабдувачки коридори знаат каде да удараат и каде да побегнат.

Шведска досега ѝ испрати на Украина само две такви летала. Ако едно е навистина соборено, тоа е 50 проценти од капацитет. Тоа е удар на инфраструктура каков што Кијев не сака ниту да го замисли, особено пред наводно интензивирање на воздушните операции.

Што претставува Су-57? Авион од пета генерација, со скриена конструкција (stealth), со внатрешно носење на ракети – токму за вакви „далечински” удари каде што противникот не знае дека е на улов додека ракетата веќе не лета кон него. Од 2010 година Москва ова го продава како „одговор” на американскиот F-22 Raptor. Сега, ако соборувањето е потврдено, тоа е и првиот реален резултат на Су-57 во вистинска борба – 16 години по неговото најавување.

Од Кијев, Москва и Стокхолм нема официјална потврда. Министерството за одбрана на Русија редовно ги објавува успесите на воздухопловството – но Су-57 операциите често остануваат класифицирани поради стратегиска чувствителност. Воени аналитичари советуваат претпазливост – можно е и информациска војна.

За Балканот ова е уште еден потсетник дека неба никогаш не се сосема контролирани. Дури и за најмодерните системи. И дека секоја „пета генерација” еднаш ќе мора да докаже што може – и кога ќе се случи тоа, последиците не остануваат само на оној што паднал.