Лидерот на Левица, Димитар Апасиев, преку социјалните мрежи најави поднесување кривични пријави и тужби против Агенцијата за аудио и аудиовизуелни медиумски услуги (АВМУ). Причината, според него, е тоа што и во вториот круг на изборите не е овозможено платено политичко рекламирање за кандидатот на Левица за градоначалник на Скопје, Амар Мециновиќ.

Апасиев обвини дека Агенцијата не го почитувала законскиот рок за донесување ново упатство кое би го овозможило правото на рекламирање на нивниот кандидат.

„Партиските пацови во АВМУ уште вчера, по сила на закон, мораа да донесат ново рогациско упатство со кое на Амар Мециновиќ ќе му се овозможи правото на платено политичко рекламирање во вториот круг. Но овие вмроиди втор ден се прават при очи слепи“, напиша Апасиев.

Тој најави дека ќе бидат поднесени кривични пријави и тужби за надомест на штета против сите одговорни лица во АВМУ, „поименично и со солидарна одговорност“, како од страна на партијата, така и од кандидатот Амар Мециновиќ како физичко лице.