Денеска околу 10:40 часот во Куманово, полициски службеници од СВР Куманово во координација со екипа од Територијалната противпожарна единица спречија трагедија, спасувајќи 34-годишен маж кој се обидел да изврши самоубиство фрлајќи се од „Искрин мост“.

Благодарение на брзата реакција и професионалниот пристап, лицето било убедено да се откаже од намерата и безбедно е одведено во Општата болница Куманово, каде му е укажана соодветна медицинска помош.

Инцидентот уште еднаш ја потврди важноста на навремената интервенција и меѓуинституционалната соработка во зачувувањето на човечки животи.