„Бузкокс“ полнат педесет години и тоа го одбележуваат во Запа База во Белград на 12 декември. Бендот што ја издаде првата вистински независна плоча во историјата на британската музика доаѓа во клуб, што е горе-долу таму каде и почнаа.

Основани се во Болтон во 1976 година од Пит Шели и Хауард Девото. Името го зедоа од насловот „It’s the Buzz, Cock!“ во рецензија на серијата „Rock Follies“ во списанието „Time Out“. Во 1977 година самите го издадоа ЕП-то „Spiral Scratch“, без издавачка куќа зад себе, и со тоа практично го измислија индито како начин на работа. Девото си замина истата година, а Шели остана главен пејач и автор.

„Ever Fallen in Love (With Someone You Shouldn’t’ve)“ излезе на 8 септември 1978 година, стигна до 12-то место на британската листа и НМЕ го прогласи за песна на годината. Шели никогаш не открил дали е напишана за маж или за жена, намерно ја држел родово неутрална, и токму затоа секој ја чита како своја.

Шели почина во 2018 година. Оттогаш бендот го води Стив Дигл, долгогодишниот гитарист, кој ја презеде и вокалната улога. Со него свират Крис Ремингтон на бас и Дени Ферант на тапани. Не се музејски состав, во 2025 година го снимија албумот „Attitude Adjustment“. Билетите се преку tickets.rs.