Во населбата 11 Октомври денеска беше урнат објект кој, според инспекциските служби, бил изграден без потребна техничка документација. Станува збор за поранешен деловен простор во сопственост на ГП „Пелагонија 5 – Градилиште механизација“ во стечај, кој никогаш не бил евидентиран во Катастар.

Градоначалничката на Општина Кисела Вода, Бети Стаменкоска Трајкоска, изјави дека општината ќе постапува строго по закон и дека нема да дозволи двојни стандарди. Таа нагласи дека секој нерегуларен објект на територијата на општината ќе биде предмет на решение за отстранување.

„Законите мора да важат подеднакво за сите. Во мојот мандат ќе се работи исклучиво според право и правда“, порача градоначалничката.