Иранот е во период на историска транзиција на власта по загинувањето на долгогодишниот врховен лидер, Ајатолахот Али Хамнеи, во израелски воздушен напад врз Техеран. Иранското свештеничко тело, Собранието на експерти, во забрзана постапка го назначи неговиот син Моџтаба Хамнеи за нов врховен водач на Исламската Република.

Заседанието се одвивало онлајн поради безбедносни закани, а официјалното потврдување на одлуката се очекува по погребот на Хамнеи. Назначувањето се случило под силен притисок и во услови на зголемена безбедносна напнатост со која земјата се соочува.

Привремен советодавен совет беше формиран за преземање на дел од надлежностите во преодниот период. Поврзани организации, вклучувајќи ја Исламската револуционерна гарда, работат на обезбедување на стабилност и континуитет на власта.

Али Хамнеи ги предводел Иран речиси 37 години. Неговата смртта доаѓа во контекст на ескалирачки воени операции против Иран, по пропаднатите преговори за нуклеарната програма на земјата. Техеран возврати со одмазднички удари врз различни цели во регионот.

Погребот на Хамнеи е планиран кај светилиштето на Имамот Реза во градот Мешед. Во Техеран и во другите ирански градови, граѓаните излегуваат да изразат жал по повод смртта на врховниот водач кој владееше со земјата речиси четири децении.