Американскиот претседател Доналд Трамп изјави дека војната меѓу Соединетите Американски Држави и Иран може да заврши наскоро, бидејќи повеќето планирани цели веќе биле уништени. „Кога сакам да заврши, ќе заврши”, рече Трамп во телефонски интервју.

„Војната оди многу добро. Сме многу напред во однос на распоредот. Нанесовме многу поголема штета отколку што мисливме дека е можно”, ги пренесе своите зборови американскиот претседател.

Меѓутоа, американски и израелски функционери укажуваат дека внатрешно сè уште нема донесена одлука за тоа кога би можеле да запрат борбите. Израелскиот министер за одбрана Израел Кац соопшти дека војната ќе продолжи се додека не се постигнат сите воени цели.

Соединетите Американски Држави и Израел ги започнаа нападите врз Иран на 28 февруари, наведувајќи го неуспехот на нуклеарните преговори како оправдување за превентивната операција. Во меѓувреме, Иран постави мини во Ормускиот Теснец, а американските сили уништија 16 ирански пловила вклучени во таа активност.