Прецизноста на иранските удари врз американски цели во Персискиот Залив покренуваат прашања за тоа дали Иран добива сателитска поддршка однадвор, бидејќи земјата нема своја сопствена сателитска мрежа за далечинско следење.

Според анализа на украинскиот политички консултант Андреј Золотарјов, Русија веројатно и обезбедува на Иран воено-технички разузнавачки информации, вклучително и сателитски податоци за прецизно наведување кон критична американска инфраструктура во Блискиот Исток. Москва јавно нема да го признае тоа, предупреди аналитичарот.

Золотарјов нагласи дека прецизните ирански удари врз клучни локации во регионот покажуваат дека Техеран поседува детални информации за позиционирањето на критичната инфраструктура, чиј извор не може да биде само сопствената иранска разузнавачка служба.

Покрај сателитски информации, соработката помеѓу Москва и Техеран наводно вклучува и трансфер на воена опрема, вклучително и авиони МиГ-29, Јак-130 и системи за противвоздушна одбрана. Советите на Американците да спрат со оваа соработка, според Золотарјов, наидоа на глув ѕид.