Полициски службеници на СВР Скопје приведоа 52-годишен наставник вработен во средно училиште во Општина Центар. Тој е осомничен дека во периодот меѓу 25 февруари и 2 март 2026 година сексуално вознемирувал 18-годишна ученичка и барал таа да стапи во полови односи со него.

По целосна истрага и документирање на случајот, ќе следуваат соодветни пријави, соопшти МВР. Против осомниченото лице се преземаат мерки на претпазливост.

Медиумски извори подоцна соопштија дека осомниченото лице е наставник во скопското Средно уметничко училиште „Лазар Личеноски”. Министерството за внатрешни работи не ги потврди овие информации официјално, но наведе дека против сторителот ќе биде поднесена соодветна кривична пријава.