Марија Захарова, портпарол на руското Министерство за надворешни работи, нагласи дека Косово и Метохија претставуваат “нераскинлив дел на Србија” со статус на широка автономија, онака како што е дефинирано во Уставот на Србија. Таа се повика на Резолуцијата 1244 на Советот за безбедност на ОН, со која се потврдуваат суверенитетот и територијалниот интегритет на Србија.

Захарова ја критикуваше постапката на ЕУ, тврдејќи дека “овој процес одамна се претвори во политизирана игра на измама, со која Брисел го зголемува притисокот врз Белград”. Таа дополнително изјави дека ЕУ “со години го изнудува Белград” наместо да нуди вистинска помош во преговорите за Косово.

Захарова посочи дека европските гаранции во писмена форма од 2013 година во врска со формирањето на Заедницата на српски општини во регионот “одамна се заборавени во Брисел”, додека ЕУ истовремено им дозволува на приштинските власти да продолжат со демографски промени во покраината.